පේදුරුතුඩුවේසිට චාවකච්ෙච්රිය දක්‌වා ගමන් ගන්නා බී - 75 මාර්ගයේ කීරමලේ පසු කරමින් කිලෝමීටර් හතක්‌ පමණ ගමන් කළ විට දඹකොපටුනට ළඟාවිය හැකිය. සිංහල ඉතිහාසයේ වැදගත් සිදුවීමකට මුල්වූ බිම ලෙස දඹකොල පටුන හඳුනාගත හැකිය. ජය ශ්‍රී මහා බෝධින් වහන්සේගේ ශාඛාවත්, සංඝමිත්තා රහත් තෙරණිය ප්‍රමුඛ භික්‌ෂුණි සංගයා මෙරටට වැඩම කළ ස්‌ථානය දඹකොළ පටුන වීම එකී වැදගත්කමයි. දඹකොළ පටුවේ සංඝමිත් ප්‍රතිමාව එකී අතීත කතාව අපට සිහිපත් කරයි. “ලංකේෂ්වර නරේන්ද්‍ර තෙම ප්‍රීති වාක්‍යපවත්වමින් ග්‍රීවය පමනට ජලයට බැස සොලොස් කුල ජනයන් සමග මහා බෝධිය හිසින් දරා ගෙන වෙරළට නගා ගෙන ඒ අත්භුතය ප්‍රකාෂ කරනු පිණිස ඒ ස්ථානයන්හී දි කරන ලද යහපත් සමුද්‍ර සාලා මණ්ඩපයෙහි වඩා ලංකා රාජ්‍යයෙන් පිදුවේ ය. නරේන්ද්‍ර තෙම තමන්ගේ රාජ්‍ය සොලොස් කුල ජනයන්ට පමුණුවා තමා දොරටුපාල තන්හි සිට තුන් දිනක් එහි ම නානාවිධ පුජා කලේය. කාරණයේ නුවනැත්තා වු නරේන්ද්‍ර තෙම දස වක් දවස් හි මහා බෝධිය යහපත් වු රථයකින් වඩා ගෙන නොයෙකුත් පූජා පවත්වමින් අනුරාධපුර නගරයට වැඩ ම කරවුයේය. ———— “ මහා වංශය දහ නව වන පරිච්ඡේදය
බුදුරජාණන් වහන්සේගේ ආත්ම විමුක්‌තියේ විජයග්‍රහණය මුළු ලොවටම ප්‍රදර්ශනය කරන සංකේතය ලෙස ජයශ්‍රී මහ බෝධින් වහන්සේ බෞද්ධ ජනයාට හඳුනාගත හැකිය. වර්තමානයේ සිම්බිල්තුරෙහි යනුවෙන් මෙම ප්‍රදේශය හඳුන්වයි. අනුරපුරයේ සිට පැමිණි ප්‍රධාන අතීත මාවත අවසන් වන්නේ මෙම ස්‌ථානයෙනි. එනිසා මෙම ස්‌ථානය අතීත හුවමාරු වාරයක්‌ තිබි ස්‌ථානයක්‌ වශයෙන් සැලකේ.
No comments:
Post a Comment
මේ ලිපිය හොඳද? ප්‍රයෝජනවත්ද? වැඩක් නැත්ද? විකාරයක් වගේ පේනවද?
ඔබට ඒ ගැන සිතෙන ඕනම අදහසක් මෙහි සටහන් කරන්න.
ඒ ගැන දෙවරක් නොසිතන්න