හිනා යයි කියලා හිතෙන කතාවක්

හිනා යන කතාවක් කියන්නද? මට නම් මේකට ඊයේ හිනා ගියා. ඒත් දැන් හිනා යන්නේ නෑ.

අපේ ඔෆීසියේ ප්‍රින්ටරයයි, වතුර ෆිල්ටරයයි මේ ටිකේ කැඩිලා. මේක හදලා දෙන්න කියලා ඒ අදාළ තැන්වලට කියලා තිබුණේ. විශේෂයෙන් වෝටර් ෆිල්ටරේ අවුල ගැන අපේ සිකුරිටිත් ඇවිත් කියනවා ඇහුණා.

මේ අස්සේ ඊයේ එක මනුස්සයෙක් ඇවිත් සිකුරිටිට කිව්වලු 

‘‘ප්‍රින්ටරේ හදන්න ආවා’’  කියලා.

‘‘ආ ඉන්න මම පෙන්නන්නම්’’ කියලා සිකුරිටි අර මනුස්සයාව එක්කරගෙන ගියාලු ෆිල්ටරේ ළගට. මොකද සිකුරිටිට ඇහිලා තියෙන්නේ ප්‍රින්ටරේ කියන එක ෆිල්ටරේ විදිහට.

‘‘මෙන්න මේකේ තමයි ලෙඩේ තියෙන්නේ. මේකේ වතුර ලීක් එකක්’’

කියලා සිකුරිටි කිව්වලු.

අර මනුස්සයා කිව්වලු

‘‘මට කිව්වේ නම් ප්‍රින්ටරක් හදන්න මිසක් ෆිල්ටරක් හදන්න නෙවෙයි’’ කියලා.

මේක ඇහිලා තියෙනවා අපේ කෙනෙකුට. ඊට පස්සේ කිව්වලු

‘‘ආ ඔයා ප්‍රින්ටරේ හදන්නද ආවේ? ඒක තියෙන්නේ ඔතන නෙවෙයි ඔෆිස් එක ඇතුලේ’’

‘‘කොහේ යන එකෙක්ද මංදා. කියන එකක් තේරෙන්න කියන්න එපායැ’’ කියලා කියලා. සිකුරිටි බැන බැන ගියාලු.

හිනා ගියාද?

කොහොම හරි හිනාවෙන්න.

හිනා වී තරවෙන්න.

ප.ලි.

තවම ෆිල්ටරේ හදන්න කවුරුවත් ආවේ නෑ.

හිනා යයි කියා හිතෙන තවත් කතාවක් මෙතැනින් ගිහින් කියවන්න. හිනා නොයෑම ගැන වගකියනු නොලැබේ.