සිංහ පොකුණ ලෙස හඳුන්වනු ලබන්නේ මිහින්තලයේ මැද මළුවේ ඇති ආරාම සංකීර්ණයට අයත් දිය පිහිල්ලකි. මෙය ආරාමයේ වාසය කළ භික්ෂූණ් වහන්සේලාගේ ස්නානය සඳහා ඉදිකරන ලද්දක් බැව් පැහැදිලිය. සජීවී ප්‍රමාණයේ සිංහයකු ඉදිරිපාද ඔසවාගෙන සිටිනා ආකාරයෙන් නිර්මාණය කොට ඇති මෙහි මෙම සිංහයාගේ මුඛයෙන් ජලය වහනය වීමට සලස්වා ඇත. මෙයට ජලය සපයා ඇත්තේ නාග පොකුණ හා සම්බන්ධ මැටි නල මාර්ගයෙනි.
සිංහයාට ඉහළින් සකස්කොට ඇති ගල්පුවරුවන්හි ඉතා අනර්ඝ මූර්තීන් දක්නට ලැබේ. සටනෙහි නියුතු රණකාමීන් දෙදෙනෙකු දැක්වෙන රූකමක් ද, තපස්වරයෙකු ඇතෙකුගේ හිසට අත තබාගෙන සිටිනා ආකාරය නිරූපිත රූකමක් ද, නටන වයන කාන්තා හා පිරිමි රූකම් හා විවිධ ස්වරූපයන්ගෙන් සිටිනා වාමන රූපයන්ගෙන් ද සිංහ පොකුණ අලංකාර කොට තිබේ. මෙම නිර්මාණය ඉතා විශිෂ්ඨ ගනයේ නිර්මාණයක් ලෙස සැළකිය හැකිය.
very good artical
ReplyDelete