පනාවේ කතාව - Story of the Comb

ශ්‍රී ලංකාවෙන් හමු වූ 18 වැනි සියවසට අයත් පනාවක්

හිස කෙස් ක්‍රමවත් ව සකස් කිරීමෙන් තමන් වඩාත් පියකරු වන බව ගැහැනිය අවබෝධ කර ගත්තේ කවදාද, එදින පනාව ද උපත ලබන්නට ඇතැයි මතයකි. හිස කෙස් තුළින් ඇදෙමින් එම හිස කෙස සකස් කරන 'දත්' සහිත උපකරණයක් ලෙස පනාව දැක්විය හැකිය.

නිව්ගිනියාවේ වෙසෙන පැපුවන් වරුන්ගේ හිස කෙස් කැරලි ගැසී වැටෙන, තරමක් ගොරෝසු හිසකෙස් වූ බවත් මේ හිසකෙස් හිස මැදට පීරා හිස මැද බඳින්නට පනාව උපකාරී වූ බවත් මේ නිසා පනාවට උපත දෙන්නට ඇත්තේ මේ පැපුවන් වරුන් බවට ද මතයකි.

වයිකින් වරුන්ගේ යුගයට අයත් යැයි සැලකෙන මේ පනාව ඩෙන්මාර්කයෙන් සොයා ගන්නා ලද්දකි.

කෙසේ වෙතත් පනාව මිනිසා ඉතා නොදියුණු යුගයේ දී පවා මිනිසා සතු වූ උපකරණයක් බව පිළිගත හැකි සාක්ෂි ද ඇත. සතුන්ගේ ඇට, ලී සහ අං වලින් නිපදවූ පනා ආදි මිනිසුන් ස්විට්සර්ලන්න්තයේ විල් විසු අසබඩ කළ කැණීම්වලදී හමුවීම මෙයට හොඳ උදාහරණයකි. පුරාණ මිසර ජාතිකයන් ඇත් දත් සහ කළුවර ලීවලින් තැනූ පනා වසර දහස් ගණනකට පෙර භාවිතා කර ඇති පෙර පෙනෙන්නට තිබේ. මෙහි ඇති පුදුමය නම් මේ පනා අද භාවිතා කරන පනාවලට බෙහෙවින් සමාන වීමය.

ශ්‍රී ලංකාවෙන් හමු වූ 17 - 18 වැනි සියවසට අයත් ඇත් දළ පනාවක්

ආසියාවේ සමහර ප්‍රදේශවල විසූ ආදිමයන් උණ ලීයෙන් පනා තනද්දී නවගිනියාවේ මී හරක් අංවලින් පනා තැනීමට එහි ආදිතමයෝ සමත් වූහ.

අද අප සාක්කුවේ. බහා ගෙන යන පනාව ද අළුත් නිෂ්පාදනයක් නොවේ. පුරාණ රෝම කෞතුක වස්තු අතර සාක්තු පනා ද වේ. ඒවා සමහරක් දළවලින් තැනු ඒවා වේ. වර්ණ වීදුරු, රත්තරන්, ආදියෙන් යෙදු කැටයම් මෙන්ම අකුරු කෙටු පනා ද ආදි යුගයේ පනා අතර තිබී ඇත.

අතීතයේ පැවති අමානුෂික දඬුවම් උපකරණයක් - What are some of history's most unusual punishments?

ඈත අතීතයේ  බටහිර රටවල පැවති දඬුවම් දීමේ උපකරණයක් ගැනයි මේ කියන්න හදන්නේ. මෙය හඳුන්වන්නේ rack නමින්.  මෙය බටහිර රටවල පැවති ක්‍රමයක් නිසා මෙයට ගැලපෙන සිංහල පදයක් සොයා යන්නට නැහැ. rack කියන්නේ කුප්‍රකට වධහිංසා උපකරණයක්. මෙහි ගොදුරු වූවන්ට දැඩි වේදනාවක් සහ දුක් වේදනා ඇති කිරීමට සියවස් ගණනාවක් තිස්සේ භාවිතා කරනු ලැබුවා. rack භාවිතය පුරාණ කාලයේ සිට පැවත එන අතර මධ්‍යකාලීන යුගයේදී මිථ්‍යාදෘෂ්ටිය, රාජද්‍රෝහී සහ මායා කර්මය ඇතුළු විවිධ අපරාධ සඳහා දඬුවම් කිරීමේ ආකාරයක් ලෙස බහුලව භාවිත වුණා.

rack සරල නමුත් ඉතා අමානුෂික වධහිංසා උපකරණයක් වුණා.  මෙහිදී වින්දිතයා සෘජුකෝණාස්‍රාකාර රාමුවකට බැඳ දමනවා. ඔහුගේ අත් සහ පාද එක් එක් කෙළවරේ ඇති කරකැවෙන පොලු (rollers) හෙවත් රෝලර්වලට බැඳ තබනවා. මේ රෝලර් හරවන විට, දඬුවමට ලක් වූ තැනැත්තාගේ  සිරුර ඇදෙන අතර දැඩි වේදනාවක් ඇති වෙනවා. සමහර අවස්ථාවලදී, කොයිතරම් තදින් ඇදෙනවාද කීවොත් කිරීම කොතරම් දරුණුද යත්, අත පය ආදියේ සන්ධිවලින් ගැලවී මරණයට පවා සිද්ධ වෙනවා.

මෙම දඬුවම් දීමේ උපකරණය සිරකරුවන්ගෙන් තොරතුරු ලබා ගැනීමේ ක්‍රමයක් ලෙසද භාවිතයට ගනු ලැබුවා. මෙම අවස්ථාවලදී, වින්දිතයා තමන් දන්නා දේ හෙළි කිරීමට කැමති වන තෙක් ශරීරය දෙපැත්තට අදිකු ලබනවා. මෙය අතිශය වේදනාකාරී නිසා බොහෝ අවස්ථාවල දී වින්දිතයන් තමා ඒ වරද නොකළ ද කළ බවට පිළිගන්නා අවස්ථා පැවතියා.