පුවත්පත්වලට ලිපි ලිවීම මාගේ විනෝදාංශයකි. මා ලියන ලිපි මගින් පාඨකයින් දැනුමක් ලබමින් ජීවිතයට යමක් එකතු කරගන්නේ නම් එය මාගේ සතුටකි. වේගයෙන් ඉදිරියට ඇදෙන තාක්ෂණික ලෝකයේ පුවත්පත් කියවන්නට තරම් විවේකයක් නොමැති අයවලුන් බොහෝය. තවකෙකු පුවත්පත් කියවන්නට කැමති නැත. අන්තර්ජාලයේ ද සිංහල බසින් සියලුම පුවත්පත් ඇති බැවින් තාක්ෂණයට ප්‍රිය කරන්නෝ පරිගණකයෙක් හෝ සිය ජංගම දුරකථනයෙන් ඒවා කියවති. එබැවින් මා ලියන ලිපි එවැනි පාඨක පිරිස් වෙත යොමු කරන්නට අදහස් කළ නිසා මෙවැනි බ්ලොග් අඩවියක් ගොඩනගන්නට සිතුවෙමි. මාගේ උත්සාහය කෙතරම් නම් සාර්ථකදැයි තීරණය වන්නේ ඔබගෙන් ලැබෙන ප්‍රතිචාර මතය. එබැවින් ඔබ මේ පිළිබඳ සිතන පතන දෑ මවෙත දන්වන්නට උනන්දුවන්නේ නම් එය මාගේ සතුටයි. ඔබ සැමට තෙරුවන් සරණයි!

Saturday, May 27, 2017

කාලගුණය යහපත් ද අයහපත් ද? Weather - Fine or Bad?

Source : https://ak6.picdn.net/shutterstock/videos/4609580/thumb/5.jpg?i10c=img.resize(height:160)

කාලගුණයේ යහපත් සහ අයහපත් බව හඳුන්වන්නට අප යොදා ගන්නා වදන එතරම් ගැළපෙන්නේ නැතැයි මට සිතේ.

Source : http://w0.fast-meteo.com/system/images/8858/large/Ripon.jpg?1344248633


දීර්ඝ කාලයක නියඟයකින් පසු වර්ෂාව ඇද හැලෙද්දී එය අවිවාදයෙන් ම යහපත් කාලගුණ තත්වයක් වේ. සිඳී ගිය ළිං, නිසරු වූ වගා බිම්, ගහ කොල, සතා සීපාවා වැස්සක් අපේක්ෂාවෙන් සිටි බව අමුතුවෙන් කිව යුත්තක් නොවේ. නමුත් වැස්ස ඇද හැලෙන්නට පටන් ගත් මොහොතේ සිටම මාධ්‍ය ඇතුළු අප බොහෝ දෙනා පවසන්නට වූයේ ‘අයහපත් කාලගුණ තත්වය නිසා  . . . . ‘ අරවා මේවා කරගන්නට නොහැකි වූ බවය. අවසානයේ මෙය වදනයේ පරිසමාප්තාර්ථයෙන්ම අයහපත් වෙමින් ගංවතුර ගළා, කඳු නාය ගොස් මිනිසුන්ගේ ජීවිත බිලි ගෙන, අවතැන් කොට අයහපත් කාලගුණයක් ම නිර්මාණය විය. මා පවසන්නේ වර්ෂාව අයහපත් යැයි හැඳින්වීම මෙයට හේතුව කියා නොවේ. ඒ අතර සම්බන්ධයක් නැත. නමුත් මා සිතන්නේ කාලගුණ තත්වය හැඳින්වීම සඳහා යහපත් හෝ අයහපත් යන වදන් නොව

පැහැපත්

සහ වැසි බර හෝ වැසි සහිත


කාලගුණ තත්වයක් යැයි හැදින්වීම වඩාත් සුදුසු බව ය.

2 comments:

මේ ලිපිය හොඳද? ප්‍රයෝජනවත්ද? වැඩක් නැත්ද? විකාරයක් වගේ පේනවද?
ඔබට ඒ ගැන සිතෙන ඕනම අදහසක් මෙහි සටහන් කරන්න.
ඒ ගැන දෙවරක් නොසිතන්න