එකපාරටම ටච් ස්ක්‍රීන් එක වැඩ කරන්නේ නැතිව ගියොත් මොකද කරන්නෙ?

 

ස්මාර්ට් දුරකතනයක් පාවිච්චි කරන ඕනෑම කෙනෙකුට මුහුණ දෙන්න වෙන භයානකම අත්දැකීමක් තමයි touch screen එක අක්‍රියාකාරී වීම. විවිධ හේතු නිසා මෙය සිදුවිය හැකියි. මෙහෙම දෙයක්  වුණු ගමන් අපි දුරකතන අලුත්වැඩියා කරන තැනකට ගිහින් අලුත් touch screen එකක් දාගන්නවා. දුරකතන මාදිලියේ හැටියට මේ සඳහා වැය කළ යුතු මුදල ද වෙනස් වෙනවා. කුමන හෝ හේතුවකට අපට අලුත් touch screen එකක් ඉක්මනින් දමාගන්න නොහැකි වුනොත් මේ දුරකතනය පාවිච්චි කරන්න නොහැකි වෙනවා. එවැනි අවස්ථාවක දි දුරකතනයෙන් යම් කිසි කාර්යයක් කරගැනීමට අවශ්‍ය වුවහොත් ලොකු ගැටලුවකට මුහුණ දෙන්න සිදු වෙනවා. එවැනි අවස්ථාවක දි දුරකතනයෙන් ප්‍රයෝජනය ගන්න ක්‍රමයක් ගැනයි මේ කියන්න යන්නේ. 

ඒ තමයි දුරකතනයට මවුස් එකක් සම්බන්ධ කරගැනීම. 

නමුත් මවුස් එක කෙලින්ම දුරකතනය හා සම්බන්ධ කළ නොහැකියි. මේ සඳහා අපට OTG එකක් අවශ්‍ය වෙනවා. පිටකොටුවෙන් නම්  OTG එකක් රුපියල් 100 කට විතර ගන්න පුළුවන්. ජංගම දුරකතන උපාංග තියෙන වෙළෙඳසල්වලිනුත් ගන්න පුළුවන්. Micro USB Port සමග සම්බන්ධ කළ හැකි ඒවා වගේම USB Type C port සමග සම්බන්ධ කළ හැකි ඒවා ද මිලට ගන්නට පුළුවන්. 

micro usb OTG

USB Type C OTG

මෙහිදී ඔබ කළ යුත්තේ ඉතාමත් කරල දෙයක්. මවුස් එක මේ වීඩියෝ එකේ පෙන්වන ආකාරයට OTG එකට සම්බන්ධ කොට, ඉන් පසුව OTG එක දුරකතනයට සම්බන්ධ කළ යුතු වෙනවා. 

එහිදී mouse connected යනුවෙන් දිස්වන අතර දුරකතන තිරයේ mouse pointer එක පෙන්නුම් කරනවා. අපට මේ ආකාරයට මවුස් එක උපයෝගී කොට ගෙන දුරකතනයෙන් වැඩකටයුතු කරගන්නට පුළුවන්. අලුත් touch screen එකක් දමා ගන්නා තුරු ඔබට මේ ආකාරයට දුරකතනය පාවිච්චි කරන්නට පුළුවන්.

මේ ගැන සම්පූර්ණ විස්තරයක් පහළ ඇති වීඩියෝ එකෙන් බලාගන්න පුළුවන්