පුවත්පත්වලට ලිපි ලිවීම මාගේ විනෝදාංශයකි. මා ලියන ලිපි මගින් පාඨකයින් දැනුමක් ලබමින් ජීවිතයට යමක් එකතු කරගන්නේ නම් එය මාගේ සතුටකි. වේගයෙන් ඉදිරියට ඇදෙන තාක්ෂණික ලෝකයේ පුවත්පත් කියවන්නට තරම් විවේකයක් නොමැති අයවලුන් බොහෝය. තවකෙකු පුවත්පත් කියවන්නට කැමති නැත. අන්තර්ජාලයේ ද සිංහල බසින් සියලුම පුවත්පත් ඇති බැවින් තාක්ෂණයට ප්‍රිය කරන්නෝ පරිගණකයෙක් හෝ සිය ජංගම දුරකථනයෙන් ඒවා කියවති. එබැවින් මා ලියන ලිපි එවැනි පාඨක පිරිස් වෙත යොමු කරන්නට අදහස් කළ නිසා මෙවැනි බ්ලොග් අඩවියක් ගොඩනගන්නට සිතුවෙමි. මාගේ උත්සාහය කෙතරම් නම් සාර්ථකදැයි තීරණය වන්නේ ඔබගෙන් ලැබෙන ප්‍රතිචාර මතය. එබැවින් ඔබ මේ පිළිබඳ සිතන පතන දෑ මවෙත දන්වන්නට උනන්දුවන්නේ නම් එය මාගේ සතුටයි. ඔබ සැමට තෙරුවන් සරණයි!

Tuesday, November 17, 2015

අපායට ගියත් බුලත් විටක් නැතිව නම් බෑ මචං!


අපේ යාළුවෙක් ඉන්නවා. මිනිහා විශ්ව විද්‍යාලයක කථිකාචාර්යවරයෙක්. එහෙම වුණත් අර මොකක්ද එකට වඩා පුරුද්ද ලොකුයි කියනවනේ. ඒ වගේ මිනිහත් පොඩි කාලේ ඉඳන්ම බුලත් විට කන්න පුරුදුවෙලා හිටිය නිසා දැන් ඒක අතෑරගන්න බැහැ. ඒකට උනන්දුවකුත් නැහැ. අපායේ ගියත් බුලත් විටක් අරන් යන්න ඕන කියල තමයි නිතර කියන්නේ. කොහේ ගියත් බුලත් විටක් වරදින්නේ නැහැ.

කථිකාචාර්ය කෙනෙක් නිසා මිනිහට පිටරටවල ඇවිදින්න එහෙමත් අවස්ථාව එනවා. ළඟදි දවසක කැනඩාව පැත්තේ රවුමක් ගැහුවා. හැබැයි කැනඩාවේ යද්දි බලත් විටක් අරන්න යන්න අපේ යාළුවට අමතක වුණා. හැබැයි දුම්කොල කෑලි ටිකක් නම් දාගෙන ගිහින් තිබුණා. මොනව වුණත් බුලත් නැති නිසා යාළුවා ඔක්සිජන් නැති වුණා වගේ තමයි දඟලන්නේ. අන්තිමේදී ඉන්දියන්කාරයෙක් අල්ලගෙන යන්තම් බුලත් විටක් හොයා ගත්තා. හැබැයි මේ බුලත් විටේ ඕන කරන අඩුම කුඩුම සමහර දේවල් නැහැ. අනෙක එහේ තියෙන්නේ මෙහේ කන විදිහයට හදපු බුලත් විට නෙවෙයි. ඒවා නිකං සාර බුලත් විට වගේ. විශේෂයෙන් හුණු නම් ඇත්තෙම නැහැ. හුණු නැතිව බුලක් විටක් කාලා වැඩක් ඇතැයි? වැඩේ කියන්නේ හුණුවලට ඉංග්‍රීසියෙන් කියන නම කවුරුවත් දන්නෙත් නැහැ. හින්දියෙන් කියන නම දන්නෙත් නැහැ. දැන් අහස පොලොව ගැටලනවා වගේ කල්පනා කරන අතරේ අපේ යාළුවට නියම අදහසක් ආවා. මිනිහා ඉන්දියන් කාරයාගෙන් මෙහෙම ඇහුවා,

යාළුවා - Do have any calcium carbonate?

ඉන්දියන් කාරයා - Calcium carbonate? For what?

යාළුවා - To eat with this

එහෙම කියලා මිනිහා බුලත් විට පෙන්නුවා. ඔන්න ඉන්දියන්කාරයට වැඩේ තේරිලා හුණු ටිකක් දුන්නා. මේ දෙබස තව ටිකක් වැඩිපුර ගිහින් තිබුණා. මෙතන කෙටියෙන් ලිව්වේ. කැල්සියම් කාබනේට් කියන එක තේරුම්කරලා දෙන්න අපේ යාළුවට සෑහෙන්න මහන්සි වෙන්න වෙලා තියෙනවා.

හුණු බුලත් විටට දාන එක තහනම් හරි මොකක් හරි පළහිලව්වක් කැනඩාවේ තියෙනවලු. ඒකලු.

කොහොම වුණත් දැන් අනෙක් අයත් අපේ යාළුවා මුණගැහුණු ගමන් අහන්නේ,

කැල්සියම් කාබනේට් එහෙම නැද්ද මචං?” කියලයි.

මේ යාළුවාම තවත් දවසක ඕමාන්වලට ගියා. එහේ යද්දි නම් බුලත විටක් අරන් යන්න හදලත් එහේ ඒවා තහනම් ද කියලා දන්නේ නැති නිසාත්, මොනව හරි පොඩි දෙයක් වුණත් මැදපෙරදිග රටවල බෙල්ල, අතපය කපයි කියන බය නිසාත් අරන් ගිහින් නැහැ. ඒත් බුලත් විටක් කන්න නැතිව දැන් ඉන්නම බැරි තත්වයක් ඇවිල්ලා තමයි තිබුණේ. කොහොම හරි එහේ බැහැලා, ගිය වැඩේ ඉවර වෙලා තවත් යාළුවෙක් එක්ක පාරේ ඇවිදින ගමන් අයිනක දැක්කලු බුලත් කෙළ පාරක්!

යකෝ! මේ තියෙන්නේ බුලත් කෙළ පාරක් නේ. ෂුවර් එකටම ලංකාවේ එකෙක් මේ හරියේ ඇති කියලා අමන්දානන්දයට පත්වෙලා පුළුපුළුවන් විදිහට හෙව්වලු. ඒත් හම්බවුණේ නැහැලු.



8 comments:

  1. හික්ස්... කොහෙ ගියත් ගමේ නම තියන පොරක්
    හැක්

    ReplyDelete
    Replies
    1. එෟක නම් ඇත්ත. රට ජාතියට ආදරේ පොරක්

      Delete
  2. bulath wita parak da? bullath kela parakda?

    ReplyDelete
    Replies
    1. බුලත් කෙළ පාරක්. මට ඒක වැරදිලා. ඔන්න නිවැරදි කළා.

      Delete
  3. ඕක පුරුදු වෙච්ච අයට මොනා කරලව් ඒක අතාරින්න බෑ..........

    ReplyDelete
    Replies
    1. ඔව් ඒක නම් සහතික ඇත්ත.

      Delete
  4. Replies
    1. ඒක නම් සහතික ඇත්ත.

      Delete

මේ ලිපිය හොඳද? ප්‍රයෝජනවත්ද? වැඩක් නැත්ද? විකාරයක් වගේ පේනවද?
ඔබට ඒ ගැන සිතෙන ඕනම අදහසක් මෙහි සටහන් කරන්න.
ඒ ගැන දෙවරක් නොසිතන්න