සුමින්ද කිත්සිරි ගුණරත්න කියන්නේ මගේ පාසල් කාලේ ඉඳන්ම ළඟම යාළුවෙක්. පාසල් කාලෙන් පස්සෙත් මේ යාළුකම දිගටම පැවතුණා. කවි ලියන්න, නාට්‍ය හදන්න, ජ්‍යොතිෂ වැඩ වගේ නොයෙක් වැඩවලට දක්ෂ සුමින්දගේ කවි පොත් වගයක් ගැන මම ලියපු එක් පෝස්ටුවක් මෙන්න මෙතැන ක්ලික් කළොත් කියවන්නත් පුළුවන්. කොහොම වුණත් දැන් කියන්න යන්නේ සුමින්දගේ කවි පොත් ගැන නෙවෙයි. ඔහු මේ අවුරුද්දේ මාර්තු 2 වැනිදා ඔහුගේ අලුත්ම නාට්‍යයේ මුහුරත් උලෙළ ජාතික පුස්තකාලේදී පැවැත්තුවා. මේ දිනයත් ඔහුගේ නාට්‍යයට අතිශය සමීපයි. ඒ කොහොමද කියලා මේක කියවගෙන යනකොට දැනගන්න පුළුවන්.
ඔහුගේ නාට්‍යයේ නම වුණේ. ‛කටුසුපාලිය’. මේ සඳහා ඔහු පදනම් කොටගෙන තිබුණේ මුණිදාස කුමාරතුංග සූරීන්ගේ ‛හීන් සැරය’ කෘතියයි. මාර්තු 2වැනිදාවක තමයි කුමාරතුංග මුණිදාසයන් දැයෙන් සමුගත්තේ. මේ දිනයෙත් වැදගත්කමක් තියෙන බව මම කිව්වේ ඒකයි. සුමින්ද ‛හීන් සැරය’ කෘතියෙන් නාට්‍යයක් කරන්න හදනවා කියලා දැනගත්ත ගමන් මට හිතුනේ, “ආ මේක මේ ළමා නාට්‍යයක් වෙන්න ඇති” කියලයි. මොකද ‛හීන් සැරය’ කියන්නේ අපි දන්න තරමින් ප්‍රකට වෙලා තියෙන්නේ ළමා කෘතියක් විදිහට. ඒක කියවගෙන යනකොට දැනෙන්නෙත් ළමයින්ගේ කතාවක් විදිහට. කොහොම වුණත් එදා මුහුරත් උළෙලෙදී තමයි වැටහුණේ එයින් ළමා කෘතියකට වඩා ගැඹුරු දේශපාලන කතාවක් කියනවා කියන එක. ඉතිං මේ බ්ලොග් එක බලන්න එන අපේ සහෘදයෝ කවුරු හරි ඉන්නවා නම් නාට්‍ය බලන්න කැමති මේ පින්තූරයේ තියෙන දුරකතන අංකවලට ඇමතුමක් දීලා මේක බලන්න පුළුවන් නම් හොඳයි කියලයි මට හිතෙන්නේ. සුමින්දගේ අලුත් නාට්‍යයට සුබ පතමින් මේ බ්ලොග් සටහනට තිත තියනවා.
අපෙත් සුභ පැතුම්
ReplyDeleteඅපෙත් හැමෝගෙම සුබ පැතුම්
Deleteසියලු කටයුතු සාර්ථක වේවා කියල ප්‍රාර්තනා කරනව ජයෙන් ජයම වේවා
ReplyDeleteහැමෝගෙම පැතුමත් එයයි
Delete