පුවත්පත්වලට ලිපි ලිවීම මාගේ විනෝදාංශයකි. මා ලියන ලිපි මගින් පාඨකයින් දැනුමක් ලබමින් ජීවිතයට යමක් එකතු කරගන්නේ නම් එය මාගේ සතුටකි. වේගයෙන් ඉදිරියට ඇදෙන තාක්ෂණික ලෝකයේ පුවත්පත් කියවන්නට තරම් විවේකයක් නොමැති අයවලුන් බොහෝය. තවකෙකු පුවත්පත් කියවන්නට කැමති නැත. අන්තර්ජාලයේ ද සිංහල බසින් සියලුම පුවත්පත් ඇති බැවින් තාක්ෂණයට ප්‍රිය කරන්නෝ පරිගණකයෙක් හෝ සිය ජංගම දුරකථනයෙන් ඒවා කියවති. එබැවින් මා ලියන ලිපි එවැනි පාඨක පිරිස් වෙත යොමු කරන්නට අදහස් කළ නිසා මෙවැනි බ්ලොග් අඩවියක් ගොඩනගන්නට සිතුවෙමි. මාගේ උත්සාහය කෙතරම් නම් සාර්ථකදැයි තීරණය වන්නේ ඔබගෙන් ලැබෙන ප්‍රතිචාර මතය. එබැවින් ඔබ මේ පිළිබඳ සිතන පතන දෑ මවෙත දන්වන්නට උනන්දුවන්නේ නම් එය මාගේ සතුටයි. ඔබ සැමට තෙරුවන් සරණයි!

Saturday, February 27, 2016

හෙණ්ඩුවට බයේ නටන අලි



මේ දවස්වල අලි ගැන කතා කරන නිසා මටත් අලි ගැන කතා කරන්න හිතුණා. 

දැනට වසර කීපයකට කලින් සත්තු වත්තට ගිය වෙලාවක අලි නැටුම් බලන්න අවස්ථාවක් ලැබුණා. සත්තු වත්තට කීප වතාවක් ගිහින් තිබුණත් අලි නැටුමක් බලන්න ලැබුණේ එදා.  අලි නැටුම් බැලුවට පස්සේ බලපු මෝඩකම කියලා හිතුනේ මේ ඇත්ගොව්වෝ අලින්ව බය කරලා ඔවුන්ව ‛නටවන’ හැටි දකින කොටයි. ඒ නිසාම එයින් ටිකක් වීඩියෝ කළා. මේ ඇත්ගොව්වෝ අලි නටවන්න ඔවුන්ට හෙණ්ඩුවෙන් අනිමින් කොයි තරම් වදයක් දෙනවද කියලා ඕනම කෙනෙකුට තේරෙනවා. අලින්ව බලාගත්තත්, අලින්ට ආදරයක් නැත්තෙම ඇත් ගොව්වෝ කියලා හිතෙන්නේ මේ වෙලාවට. ඇත්තටම වැඩි විස්තරයක් කියන්න අවශ්‍ය නැහැ. මේ වීඩියෝ එක දකින කොට අලි මේ විදිහට ‛නටන්නේ’ ඇත්ගොව්වට ඇති බය නිසාම බව පේනවා. ඒත් අපේ රටේ වැඩි දෙනෙකුට තවමත් සත්ව හිංසාව කියන එක ගැන අවබෝධයක් නැති නිසා විසිල් ගසමින් මේවා බලලා ගෙදර යනවා. ඒත් අලි නැටුම් බලන්නේ නැහැ කියන මතයට මිනිස්සුන්ට එන්න පුළුවන් වුණු දවසක මේ අලිත් ටිකක් හරි නිදහසේ ඉඳීවි. ඒ වෙනුවෙන් සත්ව අවිහිංසාවාදීන්ට තව බොහෝ දේ කරන්න වේවි.

3 comments:

  1. Oba hari.Mamath hithanne ehemayi.Dan kisima sathekugen wada gatha yuthu naha.Yanthra suthra thiyanawane.Ayi ithin minissu unta nidahase inna nodenne?

    ReplyDelete
  2. Oba hari.Mamath hithanne ehemayi.Dan kisima sathekugen wada gatha yuthu naha.Yanthra suthra thiyanawane.Ayi ithin minissu unta nidahase inna nodenne?

    ReplyDelete
    Replies
    1. ඒක ඇත්ත. සත්තුන්ට හිංසා කරමින් මිනිසුන් සතුටු වන කාලය දැන්වත් අවසන් කළ යුතුයි.

      Delete

මේ ලිපිය හොඳද? ප්‍රයෝජනවත්ද? වැඩක් නැත්ද? විකාරයක් වගේ පේනවද?
ඔබට ඒ ගැන සිතෙන ඕනම අදහසක් මෙහි සටහන් කරන්න.
ඒ ගැන දෙවරක් නොසිතන්න