පුවත්පත්වලට ලිපි ලිවීම මාගේ විනෝදාංශයකි. මා ලියන ලිපි මගින් පාඨකයින් දැනුමක් ලබමින් ජීවිතයට යමක් එකතු කරගන්නේ නම් එය මාගේ සතුටකි. වේගයෙන් ඉදිරියට ඇදෙන තාක්ෂණික ලෝකයේ පුවත්පත් කියවන්නට තරම් විවේකයක් නොමැති අයවලුන් බොහෝය. තවකෙකු පුවත්පත් කියවන්නට කැමති නැත. අන්තර්ජාලයේ ද සිංහල බසින් සියලුම පුවත්පත් ඇති බැවින් තාක්ෂණයට ප්‍රිය කරන්නෝ පරිගණකයෙක් හෝ සිය ජංගම දුරකථනයෙන් ඒවා කියවති. එබැවින් මා ලියන ලිපි එවැනි පාඨක පිරිස් වෙත යොමු කරන්නට අදහස් කළ නිසා මෙවැනි බ්ලොග් අඩවියක් ගොඩනගන්නට සිතුවෙමි. මාගේ උත්සාහය කෙතරම් නම් සාර්ථකදැයි තීරණය වන්නේ ඔබගෙන් ලැබෙන ප්‍රතිචාර මතය. එබැවින් ඔබ මේ පිළිබඳ සිතන පතන දෑ මවෙත දන්වන්නට උනන්දුවන්නේ නම් එය මාගේ සතුටයි. ඔබ සැමට තෙරුවන් සරණයි!

Sunday, October 25, 2020

සීසර්ව ඇත්තටම මැරුවේ කවුද? - Who Really Killed Julius Caesar?

ජුලියස් සීසර්


20 වැනි ආණ්ඩුක්‍රම ව්‍යවස්ථා සංශෝධනයේ දී එය සම්මත කර ගන්නට විපක්ෂයේ පිරිසක් ද ඡන්දය පාවිච්චි කළ බව කිරි ගහට ඇන්නා සේ දන්නා කවුරුත් කාරණයක්. මේ ඡන්දය දුන් අයගෙන් ඩයනා ගමගේ කියන විපක්ෂ මන්ත්‍රීවරිය තමා විපක්ෂයේ සිට වුවත් ආණ්ඩු පක්ෂය ගෙනා මේ සංශෝධනයට පක්ෂව ඡන්දය පාවිච්චි කළ කාරණය සාධාරණීකරණය කරන්නට ඉතිහාසයෙන් කතාවකුත් පාර්ලිමේන්තුවේ දී ඉදිරිපත් කළා. ඇය ඒ කතාව පටන් ගත්තේ මෙන්න මේ විදියටයි.





“ඇන්ටෝනියෝ රෝමයේ සීසර්ව මරපු වෙලාවේ . . . .”


අපේ කතාව කරගෙන යන්න අපට මේ වචන ටික හොඳටම ඇති.


මේ කතාව අහපු වෙලාවේ එකපාරට දැනුණේ නැතිවට ඉතිහාස කතාව මතක් කරන කොටයි උඩගිහින් බිම වැටුණේ. මම දැනගෙන හිටිය කතාවේ සීසර්ගේ මරණය සිද්ධ වුණේ මෙහෙම නෙවෙයි නේ කියලා මතක් වෙලා හීන් දාඩිය දැම්මා. කෝකටත් මේ ගැන හොයා බලන එක හොඳයි කියලා හිතුණා. විකිපීඩියාවේ සීසර්ගේ මරණය ගැන සඳහන් වෙන කතාව සරලව මෙන්න මෙහෙමයි.


සීසර්ගේ ඝාතනය වින්සෙන්සෝ කැමුච්චිනි විසින් මෙසේ සිතුවමට නගා තිබෙනවා


“රෝම ඒකාධිපතියා වූ සීසර්, රෝම දින දසුනේ 74 වැනි දිනය හෙවත් අප දන්නා දින දර්ශනයට අනුව මාර්තු 15 වැනිදාවක සෙනෙට් සභික පිරිසක් විසින් ඝාතනය කරනු ලැබුවා. ඒ ක්‍රි.පූ. 44 දී රෝමයේ පොම්පේ නගරයේ සුප්‍රකට රඟමඬළේ පැවැති සෙනෙට් රැස්වීමක දී. සීසර් කෙමෙන් කෙමෙන් තමන්ගේ බලය වැඩිකරගනිමින් ඒකාධිපති තත්ත්වයකට පත් වේ යැයි සෙනෙට් සභිකයන්ට ඇති වූ බිය මේ ඝාතනයට හේතු වූ බව පැවසෙනවා. මේ කුමන්ත්‍රණයට සෙනෙට් සභිකයන් 60 දෙනෙකුවත් සම්බන්ධ වන්නට ඇතැයි විශ්වාස කෙරෙනවා. මේ කුමන්ත්‍රණයේ මූලිකත්වය ගෙන කටයුතු කරන ලද්දේ මාර්කස් බෲටස්, ගායිස් කැසියස් ලොන්ගිනස් සහ ඩෙසිමස් ජූනියස් බෲටස් ඇල්බිනස් යන අයයි. මේ අතුරින් සීසර්ට අවසන් පිහි පහර එල්ල කරමින් ඔහුගේ ඝාතකයා ලෙස ලෝක ඉතිහාසයට එක් වී සිටින්නේ මාර්කස් බෲටස්.”


සීසර්ගේ ඝාතක බෲටස්


මේ කතාවට අනුව නම් සීසර් මරා දමන්නේ ඇන්ටෝනියේ නම් පුද්ගලයකු නොවේ. නමුත් ශ්‍රී ලංකා පාර්ලිමේන්තුවේ හැන්සාර්ඞ් වාර්තාවට අනුව මින් මත්තට සීසර්ගේ ඝාතකයා ලෙස බෲටස් හැරුණු විට ඇන්ටෝනියෝ නමැත්තෙක් ද සිටින බව විශේෂයෙන් සඳහන් කළ යුතු වෙනවා.


එතකොට ඇන්ටෝනියෝ කියන්නේ කවුද?


මාර්ක් ඇන්ටනී

ජූලියස් සීසර්ගේ චරිතයත් සමග සම්බන්ධ වෙන ‘ඇන්ටෝනියෝ’ කියන්නේ ‘මාර්කස් ඇන්ටෝනියෝස්’ නම් චරිතය යි. ඔහු වඩාත් ප්‍රකටව ඇත්තේ ‘මාර්ක් ඇන්ටනී’ හෝ ‘ඇන්ටනී’ නමින්. අප රටේ ඔහුගේ නම සිංහලට පරිවර්තනය වී ඇත්තේ ‘අන්තෝනියෝ’ නමින්.


මාර්ක් ඇන්ටනී ද මේ ඝාතනයේ සිටියාද?


ඔගස්ටස් සීසර්



ඩයනා ගමගේ මන්ත්‍රීතුමියට අනුව සීසර් ඝාතනය කරනු ලැබුවේ ‘අන්තෝනියෝ’ වූවාට ඉතිහාස කතාවේ මාර්ක් ඇන්ටනී කියන්නේ සීසර්ගේ ඝාතනයෙන් පස්සේ රෝමය නැවත ගොඩ නගන්නට  පැමිණි, සීසර්ගේ උරුමකරු වන ඔගස්ටස් සීසර්ට සහය දුන් දේශපාලඥයෙක් සහ ජෙනරාල් කෙනෙක් විදියටයි සඳහන් වී තිබෙන්නේ. 


ඔන්න ඕක තමයි ඉතිහාස කතාව.


හැබැයි ඩයනා ගමගේ මන්ත්‍රීතුමියගේ කතාව මාර්ක් ඇන්ටනී ට දැන ගන්න ලැබුණොත් කවුරු ඝාතනය වෙයිද කියන එක නම් කොවිඩි අපේ රටේ සමාජගත වෙන දවස ගැන රජය නිවේදනය කරන දවස වගේම අවිනිශ්චිත දෙයක් කියා අවසන් වශයෙන් කිව යුතුයි. 


4 comments:

  1. Replies
    1. ස්තුතියි යාළුවා ඔබේ අදහසට

      Delete
  2. මාර්ක් ඇන්ටනි ට පව්

    ReplyDelete
    Replies
    1. මටත් මාර්ක් ඇන්ටනී ගැන හරිම දුකයි. රෝමෙන් නඩුවක්වත් දායි ද කියන්න බෑ කරපු අපහාසෙට. නිරපරාදේ මිනීමැරුම් චෝදනාවක් නේ එල්ල කරලා තියෙන්නේ.

      Delete

මේ ලිපිය හොඳද? ප්‍රයෝජනවත්ද? වැඩක් නැත්ද? විකාරයක් වගේ පේනවද?
ඔබට ඒ ගැන සිතෙන ඕනම අදහසක් මෙහි සටහන් කරන්න.
ඒ ගැන දෙවරක් නොසිතන්න