මෙහෙමත් මූර්ති හැදිල්ලක් - The Hyperrealistic Sculptures of Ron Mueck

රොනල්ඩ් රොන් මුවෙක් කියන්නේ අපූරු මූර්ති ශිල්පියෙක්. 1958 දී  ඕස්ට්‍රේලියාවේ උපත ලද ඔහු දැනට සේවය කරන්නේ එක්සත් රාජධානියේ. ඔහු මුළින්ම කළේ දරුවන්ගේ රූපවාහිනි වැඩසටහන්වලට විවිධ ආකෘති හා රූකඩ නිර්මාණය කළ එකයි. ඔහුගේ නිර්මාණය දායකත්වයක් ලද ප්‍රකට සිනමාපටයක් ලෙස Labyrinth සඳහන් කරන්නට පුළුවන්.

Mask II

පසුව මුවෙක් තමන්ගේම සමාගමක් ආරම්භ කරන්නට ලන්ඩන්වලට ආවා. ඔහු ඉන් පසු වෙළෙඳ දැන්වීම් ක්ෂේත්‍රයට සම්බන්ධ වුණා. ඔහු මෙහිදී තම නිර්මාණ සඳහා යොදා ගත්තේ අපූරු ශෛලියක්. යම්කිසි දෙයක් විශාලනය කරන ලද ඡායාරූපයක් ඇසුරින් දැවැන්ත පරිමාණයේ මූර්ති නිර්මාණය කිරීම තමයි ඔහුගේ ශෛලිය.

Dead Dad

ඔහුගේ ඇතැම් මූර්ති නැරඹිය හැක්කේ එක් කෝණයක සිට පමණයි. එසේ වුවත් ඒවා අතිශය සජීවි ලෙස නිර්මාණය කරන්නටත් ඔහු සමත්ව තිබෙනවා. සෑම කෝණයකින්ම නැරඹිය හැකි නිර්මාණ වැඩි වශයෙන් කරන්නට ඔහු උත්සාහ කරන බවයි පවසන්නේ. ඔහු විසින් නිර්මාණය කරන ලද  Dead Dad හෙවත්  ‛මළ පියා’ මූර්තිය සඳහා ඔහු යොදාගත්තේ සිලිකන් මිශ්‍ර බදාමයක්. එහි හිසකේ සඳහා යොදාගත්තේ ඔහුගේම හිසකෙස්. 

 

Pregnant Woman

ඔහුගේ මූර්තිවල දක්නට ඇති අනෙක් සුවිශේෂිතම ලක්ෂණය වන්නේ ඒවායේ ඇති සියුම්බවයි. මිනිස් සිරුරේ සෑම ලක්ෂණයක්ම ඔහු ඉතා සූක්ෂම ලෙස තම මූර්තිවලින් නිරූපනය කරන්නට සමත්ව තිබෙනවා.

මුවෙක් 1999 දී ලන්ඩන් ජාතික කලාගාරයේ සහකාර සිතුවම් ශිල්පියකු ලෙස පත්කෙරුණා.

 

Man in Boat

ඔහු එහි සේවය කළ සමයේ නිර්මාණය කළ මව සහ දරුවා ( Mother and Child), ගැබ්ගත් කත (Pregnant Woman), බෝට්ටුවේ සිටින මිනිසා     ( Man in Boat ) හා රෙදිවලින් එතූ බිළිඳා ( Swaddled Baby ) බොහෝ ජනාදරයට පත්වූ නිර්මාණ ලෙස සඳහන් කළ හැකියි. 2002 දී ඔහුගේ ගැබ්ගත් කත නිර්මාණය ඕස්ට්‍රේලියානු කලාගාරය සඳහා ඇමරිකන් ඩොලර් 800,000 කට අළෙවි කෙරුණා. 

Mother and Child